• $ 1.7
  • € 1.978
  • ₽ 0.021091
  • ₺ 0.0416
  • £ 2.2908

Cəza çəkməkdən azad edilmiş 1143 nəfərə birdəfəlik müavinət ödənilib

Cəza çəkməkdən azad edilmiş 1143 nəfərə birdəfəlik müavinət ödənilib
11.05.2017 15:40
Bu ilin ilk rübündə penitensiar müəssisələrdə cəza çəkməkdən azad edilmiş 1 143 nəfərə birdəfəlik müavinət ödənilib
 
Əmək və Əhalinin Sosial Müdafiəsi Nazirliyi bu ilin birinci rübündə penitensiar müəssisələrdə cəza çəkməkdən azad edilən, tibbi və sosial yardıma ehtiyacı olan 1 143 nəfər şəxsi birdəfəlik müavinətlə təmin edib.
 
Nazirliyin İctimaiyyətlə əlaqələr şöbəsindən "APA-Economics”ə verilən məlumata görə, müvafiq qanunvericiliyə uyğun olaraq həmin şəxslərin hər birinə minimum əmək haqqının 4 misli qədər birdəfəlik müavinət ödənilib. Azərbaycan prezidentinin 21 yanvar 2017-ci il tarixli Sərəncamı ilə ölkəmizdə minimum aylıq əməkhaqqının məbləğinin 2017-ci il yanvarın 1-dən 116 manata çatdırılması ilə əlaqədar həmin birdəfəlik müavinətin məbləği də cari ilin əvvəlindən 10,47 faiz artırılaraq 464 manata çatdırılıb.
 
Penitensiar müəssisələrdə cəza müddəti başa çatmaq ərəfəsində olan şəxslərin bu müəssisələri tərk etdikdən sonra məşğulluq imkanlarına malik olmaları üçün onların əmək bazarının tələblərinə uyğun peşələr üzrə peşə hazırlığına cəlb olunması işləri də davam etdirilir. Bu ilin ötən dövründə Əmək və Əhalinin Sosial Müdafiəsi Nazirliyi yanında Dövlət Məşğulluq Xidmətinin xətti ilə ayrı-ayrı penitensiar müəssisələrdə cəza müddəti başa çatmaqda olan 112 nəfər şəxs üçün həmin müəssisələrin nəzdindəki peşə məktəblərinin bazasında peşə hazırlığı kursları təşkil edilib. Elektrik qaz qaynaqçısı, avtomobillərin təmiri üzrə çilingər, kompüter texnikasının təmiri və s. peşələr üzrə təşkil edilən kursları bitirənlərə sertifikatlar verilib.
 
Sosial müdafiəyə xüsusi ehtiyacı olan və işə düzəlməkdə çətinlik çəkən vətəndaşların kateqoriyalarına penitensiar müəssisələrdə cəza çəkməkdən azad  edilmiş şəxslər də aiddirlər. Bununla əlaqədar qeyd olunan şəxslərin də müəssisələrdə kvota üzrə ayrılmış iş yerlərində məşğulluğunun təmin olunması üçün məşğulluq orqanları tərəfindən müvafiq işlər görülür.

www.ann.az
Oxşar xəbərlər
Oxşar xəbərlər

Unibank həftəsonuna özəl komissiyasız kredit kampaniyası keçirir
İqtisadiyyat 11:38
Unibank həftəsonuna özəl komissiyasız kredit kampaniyası keçirir
ASCO-nun Müşahidə Şurasına yeni sədr təyin olunub
İqtisadiyyat 11:26
ASCO-nun Müşahidə Şurasına yeni sədr təyin olunub
Rusiya və Azərbaycan iqtisadi əməkdaşlıq komissiyasının iclası keçirilir
İqtisadiyyat 11:21
Rusiya və Azərbaycan iqtisadi əməkdaşlıq komissiyasının iclası keçirilir
SOCAR İran körfəzində işə başlayıb
İqtisadiyyat 10:47
SOCAR İran körfəzində işə başlayıb
Rusiya Ermənistana qaz təchizatını dayandıracaq
İqtisadiyyat 10:40
Rusiya Ermənistana qaz təchizatını dayandıracaq
Qızılın qiyməti bahalaşıb
İqtisadiyyat 10:08
Qızılın qiyməti bahalaşıb
Bu günə olan məzənnə açıqlanıb
İqtisadiyyat 09:37
Bu günə olan məzənnə açıqlanıb

Azərbaycan neftinin qiyməti 69 dolları keçib
İqtisadiyyat 09:17
Azərbaycan neftinin qiyməti 69 dolları keçib
Filiala getmədən ödənişsiz rəqəmsal kart əldə et
İqtisadiyyat 17:41
Filiala getmədən ödənişsiz rəqəmsal kart əldə et
Anews TV

Rəsmi Youtube kanalımız

Abunə ol