Qobustan qoruğunun yaradılmasının 50 illiyi qeyd ediləcək
02.06.2017 16:00
İyunun 13-də Bakıda Qobustan Milli Tarixi Bədii Qoruğunun yaradılmasının 50 illiyinə həsr edilmiş "Qobustan - mədəniyyətlərin qovşağında qayaüstü incəsənət” adlı elmi konfrans keçiriləcək.
Qoruqdan Oxu.Az-a bildirilib ki, dövlət səviyyəsində baş tutacaq konfrans Mədəniyyət və Turizm Nazirliyi və Azərbaycan Milli Elmlər Akademiyasının (AMEA) birgə təşkilatçılığı ilə gerçəkləşəcək.
İki gün davam edəcək konfransda dünyanın tanınmış arxeoloqlarının da iştirakı nəzərdə tutulur.
Konfransa iyunun 14-də Qobustan Milli Tarixi Bədii Qoruğunda təşkil ediləcək tədbirlə yekun vurulacaq.
Qeyd edək ki, sahəsi 3 min 96 hektar olan Qobustan Milli Tarixi Bədii Qoruğu 1966-cı ildə yaradılıb.
www.anews.az
Foto 
Video 
