Məşhur aktyor və musiqiçi vəfat etdi
09.08.2017 11:45
Amerikalı musiqiçi və aktyor Qlen Kempbell 81 yaşında dünyasını dəyişib.
anews.az xarici KİV-ə istinadla xəbər verir ki, o, uzun müddətdir Altsheymer xəstəliyindən əziyyət çəkirdi. Bu diaqnoz amerikalı musiqiçiyə 2011-ci ildə qoyulub.
Altsheymer - bəzi beyin hüceyrələrinin məhv olması ilə nəticələnən, dəqiq səbəbləri bilinməyən nevroloji xəstəlikdir. Xəstəlik ilk növbədə yaddaş və digər intellektual qabiliyyətlərin nəzərə çarpacaq dərəcədə pozulması ilə özünü göstərir.
Q.Kempbell 1960-cı illərin Amerika pop musiqisinin ən məşhur gitara ifaçılarından sayılırdı.
O, "Ən yaxşı kişi vokal ifaçısı” (1967), "İlin ən yaxşı albomu” (1968) və "Ən yaxşı kantri-musiqi” (2015) nominasiyaları üzrə "Qremmi” mükafatının sahibi olub.
www.anews.az
Foto 
Video 
