"Qarabağ" yeni futbolçular aldı

07.09.2017 09:24

"Qarabağ" klubunun UEFA Gənclər Liqası üçün sifariş ərizəsi açıqlanıb.

"Qaynarinfo" xəbər verir ki, iştirakçı siyahısına 40 oyunçunun adı göstərilib.

Bunlardan 4-ü qapıçı, 11-i müdafiəçi, 19-u yarımmüdafiəçi, 6-sı hücumçudur. Heyətdə 4 legioner yer alıb ki, onlardan 2-si Makedoniya, qalanları Gürcüstan və Ukraynadandır. Sifariş ərizəsində "Neftçi"də çıxış etmiş futbolçular var ki, bunlardan biri də əsas komandanın baş məşqçisi Qurban Qurbanovun oğlu Musa Qurbanovdur.

Komandanın baş məşqçisi Rəşad Sadıqov əsas heyətlə Çempionlar Liqasında oynayacağından onun Azərbaycan çempionu etdiyi U-19-u Gənclər Liqasında Aftandil Hacıyev çıxaracaq. Digər klublardan dəvət olunmuş futbolçularla güclənən çempion ölkə xaricindən də oyunçu gətirib.

Qapıçılar: 1. Məmməd Hüseynov, 12. Nicat Mehbalıyev, 25. Rəhim Rəhimli, 26. Əfqan Fərruxlu

Müdafiəçilər: 2. Yusif Həsənov, 3. Rahid Ağazadə, 4. Əsgər Hüseynov, 5. Elçin Əsədov, 7. Turan Manafov, 14. İbrahim Huseynov (Gürcüstan), Oliver Stoymenovski (Makedoniya), Nihad Quliyev, Samir Ağakişiyev, Bəşir Ayralov, Aslan Bədəlzadə

Yarımmüdafiəçilər: 6. Əli Əliyev, 8. Nicat Süleymanov, 10. Famin Əliyev, 11. Zaur Fərzəliyev, 13. Davud Mahmudov, 15. Pilağa Mehdiyev, 16. İbrahim Qədirzadə, 17. Ülvi İbrahimov, 18. Süleyman Əhmədov, 19. Boyan Miovski (Makedoniya), Akif Hümbətzadə, 22. Taleh Rzayev, 24. Yaroslav Dede (Ukrayna), 29. Bilal Hüseynli, 30. Kənan Qasımov, 31. Nicat Quluzadə, 35. Tural Bayramov, 37. Nurlan Xəlilov, 38. Hüseyn Əhmədov

Hücumçular: 9. İbrahim Əliyev, 23. Nicat Məmmədov, 32. Xaqani Sadıxov, 33. Musa Qurbanlı, 34. Turan Vəlizadə, 40. Misir Rüstəmov

Baş məşqçi: Aftandil Hacıyev.

Qeyd edək ki, "Qarabağ" Gənclər Liqasında ilk matçını sentyabrın 12-də İngiltərənin paytaxtı Londonda "Çelsi"yə qarşı keçirəcək. Görüş Bakı vaxtı ilə saat 14:05-də başlanacaq.

www.anews.az

Xəbəri bəyəndiniz?

Sosial şəbəkələrdə paylaş