“Bəxt üzüyü” filminin davamı çəkildi
01.11.2017 21:42
Azərbaycan kinematoqrafiyasının ən gözəl komediya filmlərindən biri olan "Bəxt üzüyü”nün davamı çəkilib.
Anews.az-ın Publika.az-a istinadla məlumatına görə, filmin adı "Bəxt üzüyü - 2” olacaq. Ekran işinin çəkilişlərini isə "Planet Parni iz Baku” komandası həyata keçirib. Filmin ssenarisi Əməkdar artistlər Tahir və Cabir İmanovlara aiddir.
Birinci filmin davamı olan yeni versiyada Moşu Göyəzənlinin oğlanlarından biri Rasim və Seda cütlüyünün qızına aşiq olur. Hadisələr isə bu dəsti-xətt üzrə davam edir.
Ekran əsərində Xalq artistləri Afaq Bəşirqızı, Valeh Kərimov, Rafael Dadaşov və başqaları çəkilib.
Xalq artisti Rafael Dadaşov məlumatı təsdiqləyib: "Artıq çəkilişlərimiz bitib. Ancaq filmin nə vaxt yayımlanacağı ilə bağlı məlumatım yoxdur”.
www.anews.az
Foto 
Video 
