Rusiya işğalçı Ermənistana yeni silahlar verib

Anews.az  Ermənistan KİV-ə istinadən xəbər verir ki, bu sözləri Ermənistanın xarici işlər naziri Edvard Nalbandyan Rusiyanın Azərbaycana silah satışı məsələsini şərh edərkən deyib.  

"Biz öz yerimizdə regionda hərbi balansın qorunması üçün əlimizdən  gələni edirik, Moskvadan lüqotlu qiymətlərlə silah alırıq. Rusiya ATƏT-in Minsk qrupunun həmsədri və ən aparıcı regional oyunçu kimi regional təhlükəsizliyin təmin olunmasında böyük rol oynayır”, - deyə Nalbandyan  2017-ci ilin yekunları ilə bağlı keçirilən mətbuat konfransında bildirib.

Nalbandyan Ermənistanın Rusiya ilə tərəfdaşlıq münasibətləri çərçivəsində müdafiə qüdrətini artırmaq üçün əldə olan bütün imkanlardan istifadə edir.

"2010-cu ildə Rusiya hərbi  bazasının Ermənistanda fəaliyyəti haqqında yeni müqavilə imzalanan vaxt orada xüsusi bir müddəa var idi. Həmin müddəaya görə, Rusiya tərəfi  Ermənistanı yeni silahlarla təchiz etməli idi. Bu hal-hazırda baş verir”, - deyə Nalbandyan bildirib.

Rusiyanın Ermənistanda yerləşən 102 saylı hərbi bazası 21 avqust 1992-ci ildə imzalanmış Rusiya Federasiyası Silahlı Qüvvələrinin hüquqi statusu haqqında müqavilə  və 16 mart 1995-ci ildə Ermənistan Respublikası ərazisində Rusiya hərbi bazası haqqında müqavilə əsasında yaradılıb. Bazanın fəaliyyəti haqqında yeni müqavilə 25 il müddətinə imzalanıb və sonradan ovaxtkı Rusiya prezidenti D.Medvedevin 2010-cu ildə Ermənistana səfəri zamanı daha 49 il müddətinə (2044-cü ilə kimi) uzadılıb.