Ermənistan 7 gün başsız qalacaq

Ermənistan hökuməti bu gün keçirilən iclasında ölkə prezidenti Serj Sarkisyana ev hədiyyə edilməsi barədə qərar qəbul edib.

İstiPress-in məlumatına görə, qapqlı keçirilən iclasda Ermənistanın əmək və sosial məsələlər üzrə naziri Artem Asatryana, hökumət aparatının rəhbəri Vaqe Stepanyana və Milli Təhlükəsizlik İdarəsinin direktoru Georgi Kutoyana qərardan irəli gələn məsələləri həll etmək tapşırılıb. Qərar 9 aprel 2018-ci ildən qüvvəyə minəcək.

Əlqərəz, Serj Sarkisyan Levon Ter-Pterosyan kimi dövlət hesabına villa alacaq və o, İrəvanın camaat tərəfindən "Mərkəzi Komitə bağları” kimi tanınan prestijli zonasında yerləşəcək. Bununla belə, Serj Sarkisyanın siyasəti tərk etməməsi və baş nazir kimi ölkəyə rəhbərliyi davam etdirmək niyyəti insanlarda, o cümlədən Ermənistan prezidentinin yaxın ətrafında sual yaradır: Əcəba, var-dövləti yerə-göyə sığmayan bir insanın qiyməti hansısa milyon dolların ətrafında olan bir ev nəyinə gərəkdir.

Belə düşünənlərdən biri də indiki baş nazir Karen Karapetyandır. "Joxovurd"un yazdığına görə, Sarkisyanın bu cür qeyri-müəyyən addımları Karapetyanı parlament tribunasından Serj Sarkisyanın və hakim Respublika Partiyasının ünvanına dolayı ittihamlar səsləndirməyə vadar edib. Karapetyan bildirib ki, baş nazirin kim olacağı barədə dəqiq məlumatın verilməməsi biznesin sabitliyinə mane olur.