Sarkisyan təlaş içərisindədir: Aqibəti necə olacaq?

BiG.AZ-ın məlumatına görə, o, "Şant” telekanalına verdiyi müsahibədə deyib ki, istənilən cəmiyyətdə narazılıq müşahidə olunur. Ermənistan bu nöqteyi-nəzərdən istisna deyil. Əksinə, Ermənistan kimi ölkələrdə narazılıq daha kəskin şəkildə olur: "Lakin Ermənistanda narazılığın ifadə edilməsinə heç bir maneə yaradılmır. Qeyri-dinc xarakterli aksiyalar istisnadır – bu həm hökumətin, həm də cəmiyyətin xeyrinədir. Bütün aksiyalar qanun çərçivəsində keçirilməlidir”. 

"Bizim asayiş keşikçilərimiz təmkinlilik nümayiş etdirdilər. Mən hüquq-mühafizə orqanlarının güc tətbiq etmək məcburiyyətində qalmasını istəmirəm. Heç belə niyyət də yoxdur. Amma ölkədə qanunsuzluq abu-havası hökm sürməməlidir”, - deyə Serj Sarkisyan qeyd edib.

Etirazçıların dövlət obyektlərini tutmağa, əvvəlcə parlamentin, indi də hökumətin işini iflic etməyə çalışdıqlarını xatırladan S.Sarkisyan təlaş içərisindədir və bundan sonra nələrin baş verəcəyini bilmir. Bu səbəbdən də təəccüblə soruşur: "Sonra nə olacaq?”.

Qeyd edək ki, müxalifətçi deputat Nikol Paşinyanın rəhbərliyi ilə Yerevanda aprelin 13-dən etiraz aksiyaları keçirilir.

Artıq etirazçıların polislə qarşıdurması nəticəsində 6-sı asayiş keşikçisi olmaqla, 46 nəfər xəsarət alıb, yüzlərlə saxlanılan var./Virtualaz.org