“Azərkosmos”da yeni təyinatlar
11.06.2018 10:00
İyun ayında "Azərkosmos” ASC-yə iki sədr təyinat alıb.
Oxu.Az-ın məlumatına görə, 2018-ci ilin iyun ayında Azərbaycan Respublikası prezidentinin Sərəncamına əsasən, Rövşən Rüstəmov və Dunay Bədirxanov "Azərkosmos” ASC-nin sədr müavini vəzifəsinə təyin edilib.
Rövşən Rüstəmov əmək fəaliyyətinə 2002-ci ildə iqtisadiyyat sahəsi üzrə jurnalist kimi başlayıb.
2003-cü ildə təhsilini Azərbaycan Respublikasının Prezidenti yanında Dövlət İdarəçilik Akademiyasında "İqtisadiyyatın hüquqi tənzimlənməsi” ixtisası üzrə fərqlənmə diplomu ilə başa vuraraq magistr dərəcəsinə yiyələnib.
2004-2012-ci illərdə "Azərpoçt” MMC-də Əməliyyatlar şöbəsinin rəisi, Biznesin inkişafı şöbəsinin rəis müavini vəzifələrində işləyib. 2009-cu ildən iqtisadiyyat üzrə fəlsəfə doktorudur.
2014-2018-ci illərdə rabitə və yüksək texnologiyalar naziri tərəfindən "Azərkosmos” ASC-nin sədr müavini vəzifəsinə təyin edilib
Dunay Bədirxanov isə 2009-cu ildə Rusiya Federasiyasında yerləşən Sankt-Peterburq Dövlət Universitetinin "Riyaziyyat-Mexanika” fakültəsini bitirib.
Əmək fəaliyyətinə 2011-ci il aprel ayından "Azərkosmos” ASC-nin Aşağı-orbitli peyk sistemlərinin inkişafı şöbəsində mütəxəssis vəzifəsində başlayıb.
2013-2016-cı illərdə "Azərkosmos” ASC-də Peyk və yerüstü sistemlər departamentinin Peyk əməliyyatları qrupunun rəhbəri vəzifəsində işləyib.
2016-2018-ci illərdə "Azərkosmos” ASC-də Peyk və yerüstü sistemlər departamentinin direktoru vəzifəsində işləyib.
www.anews.az
Oxşar xəbərlər
Oxşar xəbərlər
Foto 
Video 
