Şortikə görə tənqid edilən qız "mini" geyindi - FOTO

GoldNews.Az xəbər verir ki, Günay bu dəfə marşrut avtobusunda təhqir edilib. Bu barədə sosial şəbəkə istifadəçilərin biri özünün şəxsi hesabında yazıb. Statusu yazan xanım qeyd edib ki, onlar ötən gün Günay adlı xanımla bir avtobusda olublar.

"Qız mini geyinmişdi. İki nəfər oğlan onu narahat edir, nömrəsini istəyirdilər. Gördülər ki, qız "üz vermir", keçdilər qızın yanındakı uşağın yanına və başladılar ki, harda yaşıyırsınız, bacının nömrəsini bilirsənmi? Qız da axırda özündən çıxıb, "əl çək uşaqdan" dedi. Oğlan da "pişiyin əli ətə çatmayanda deyir, iylənmişdi" misalı olaraq, bayaqdan az qala nömrə üçün ayağına düşəcəyi qızı başladı təhqir eləməyə. Nə bilim sənin başını kəsərəm, mən sənə metrodaki oğlan deyiləm, sən fərli qız olsan, bu geyimdə şəhərə çıxmazsan, evindəki başıpapaqlı varsa, mənnən ona salam de, nə bilim nə. Bir sözlə, qıza olmazın təhqir, hədələrini yağdırdı".

Həmin xanımın sözlərinə görə, ən pisi də içəridə polis əməkdaşı olsa da, o, həmin oğlana bir kəlmə də demədi.

"İçəridə adam yol boyu qızı narahat edir, nömrə ala bilməyincə təhqir edir, hədələyir, nə polis nə də başqaları səs çıxarmırdı. Qız yarı yolda düşdü. İçəridəki qadınlar başladılar oğlana "halal olsun sənə, gərək saçından tutub sürüyərdin" deməyə. Qıza əxlaqsız, fahişə deyən kim. Başa düşdüm ki, o günkü metro söhbətində də qızın heç bir günahı olmayıb. Əsəbiləşib, təbii ki, mən də yolun yarsında düşdüm. İndi mən sizə sual verim: Heç kimə dəyib-dolaşmayan bir insan, sadəcə "mini" geydiyi üçün fahişədir, yoxsa yol boyu ona narahatçılıq verən, istədiyini almayınca təhqir edən, hədələyən o şəxs?"