Bakıdan İrəvana səyahət mümkün olacaq - Yeni yol
27.06.2018 15:14
Demokratik İslahatçı Gənclər İctimai Birliyi Azərbaycan Respublikasının Prezidenti yanında Qeyri-Hökumət Təşkilatlarına Dövlət Dəstəyi Şurasının maliyyə dəstəyi ilə yaxın günlərdə "www.iravan.az” internet jurnalı üzərindən "İrəvan” virtual muzeyinin 3D formatını təqdim edəcək.
Bu barədə Kult.az-a birliyin sədri Vüsalə Hüseynli məlumat verib. O bildirib ki, layihənin məqsədi Azərbaycan torpaqlarının ermənilər tərəfindən işğalı və millətimizin öz doğma yurdundan 4 dəfə deportasiya olunması, tariximizin süni yollarla saxtalaşdırılması, mədəniyyətimizin mənimsənilməsi faktlarını dünyaya çatdırmaqdır:
"Bilirsiniz ki, internet dövründə insanlara yalnız tarix təqdim etməklə hədəfə çatmaq bir az çətin olur. Bu səbəbdən biz düşündük ki, bu jurnal vasitəsilə hədəfimizə çatmaq üçün jurnalı rəngləndirməliyik. Sayta giriş edən xaricilərin, eyni zamanda gənclərimizin İrəvana virtual səyahətini həyata keçirmək üçün "İrəvan” virtual muzeyinin 3D formatı hazırlanıb”.
Vüsalə Hüseynli onu da qeyd edib ki, oxuculara virtual muzeylə yanaşı, jurnalın yeni formatı, yeni dizaynı da təqdim olunacaq
www.anews.az
Foto 
Video 
