Ruhani Trampın nədən “ilhamlandığını” açıqladı

 

AzVision.az xəbər verir ki, bu barədə Ruhani bu gün iranlı deputatların ölkədəki iqtisadi problemlərlə bağlı suallarını cavablandırarkən bildirib. Onun sözlərinə görə, məhz ötən ilin sonunda İranda baş verən etiraz aksiyaları Trampı belə bir adım atmağa həvəsləndirdi.

"Dekabr-yanvar aylarındakı hadisələr Trampı "Əgər Avropa və digər ölkələr regionla və raketlər məsələsilə bağlı məni müşayiət etməsələr, onda mən birtərəfli qaydada nüvə sazişindən çıxacam.” bəyanatını verməyə ilhamlandırdı.” – deyə, Ruhani bildirib. 

Qeyd edək ki, ötən ilin 28 dekabrından İranın Tehran, Məşhəd, İsfahan, Rəşt və digər iri şəhərlərində sosial-iqtisadi xarakterli kütləvi etiraz aksiyalar keçirilmiş, polislə vətəndaşlar arasında qarşıdurma yaşanmışdı. O zaman Ruhani etirazları ölkədaxili və xarici səbəblərlə əlaqələndirmişdi.