Bakıda şagird sinif yoldaşları ilə halallaşıb yoxa çıxdı - SƏBƏBİ ŞOK ETDİ

Ayın 17-si oxuduğu məktəbdən yoxa çıxan 7-ci sinif şagirdi Məmmədxanov Azər tapılıb.

Anews.az Milli.Az-a istinadən xəbər verir ki, Azərin anası "Səni axtarıram"a müraciət edərək oğlunun yoxa çıxdığı barədə məlumat verib.
Ana gözyaşı içində övladının itkin xəbərini bu sözlərlə verib:
"Həmişə dərsdən çıxıb evə gəlirdi. Bu gün evə gəldim ki, yoxdu evdə. Zəng vurdum valideyinin birindən soruşdum. Dedi ki, Azər çantasında nə qədər kitabı varsa, hamısını sinifə töküb, çıxıb gedəndə "Uşaqlar, haqqınızı halal edin, mən gedirəm" deyib. Gündəliyi açdım, gördüm ki, iki dənə "2" alıb. Sinif yoldaşlarından biri dedi ki, Riyaziyyat müəllimi "2" verib ona. O da çox əsəbiləşib. "2"ni dərsə görə almayıb, nə isə yazırmış. Müəllim də elə cəzalandırıb onu. Sonra da sinifdən çölə çıxardılıb. Sonra deyib ki, "Anam mən öldürəcək. Müəllim zəng vuracaq evə, anam da məni döyəcək". 

Qeyd edək ki, artıq Azər tapılaraq ailəsinə təhvil verilib.

www.anews.az