Bu qidalar xərçəngin qarşısını alır

Alimlər xərçəngin qarşısını alan qidalarla bağlı aparılan tədqiqatın nəticələrini açıqlayıblar.

"Ölkə.Az” xəbər verir ki, alimlər qida rasionunda təbii ərzaq məhsullarından istifadə etmək xərçəngin bir sıra növlərinin yaranma riskini aşağı salır.

Fransız alimlər 2009-2016-cı illə arasında tədqiqat aparıblar. Təcrübələrdə 70 min insan iştirak edib. Qida rasionuna daxil edilən təbii ərzaq məhsullarının payına görə iştirakçıları dörd qrupa bölüblər. Eyni zamanda onkoloji xəstəliyin inkişafına təsir edən faktorlar da nəzərə alıb.

Məlum olub ki, təbii ərzaq məhsullarını daha çox istifadə edən qrup üzvlərinin xərçəng xəstəliyinə yoluxma riski 25 faiz azalıb. Eyni zamanda bağırsaq və prostat xərçənginə bu pəhriz təsir etməyib. Alimlərin fikrinə görə, bu nəticəyə səbəb təbii ərzaq məhsullarından istifadə edən insan orqanizminə kənd təsərrüfatında istifadə edilən petstitsid və digər dərman vasitələri qalıqlarının daha az düşməsidir.

Jyüli Bodri bildirib ki, əgər nəticələr təsdiqlənsə, təbii ərzaq məhsullarının istifadəsi əhali arasında xərçəngə qarşı mübarizə strategiyasının bir hissəsi olacaq.