Teatrlarda bilet qiymətləri - SİYAHI
11.12.2018 14:10
Anews.az Report-a istinadən Azərbaycan teatrlarında biletlərin qiymətlərini təqdim edir:
Akademik Milli Dram Teatrında biletlərin qiyməti 6-10 AZN arası dəyişir.
Azərbaycan Dövlət Musiqili Teatrında uşaqlar üçün biletin qiyməti 6 manat, böyüklər üçün isə 8-10 manatdır. Uşaqlar üçün Yeni İl şənliyinin qiyməti 8 manatdır. Biletə hədiyyə də daxildir.
Azərbaycan Dövlət Akademik Opera və Balet Teatrında uşaqlar üçün biletin qiymətləri 5,6,7 AZN, böyüklər üçün isə 11-16 AZN-dir. iTicket.az saytında isə "Karmen” və "Manon Lesko” tamaşasına biletin qiyməti 33 AZN-ə qədərdir.
Abdulla Şaiq adına Azərbaycan Dövlət Kukla Teatrında isə qiymətlər standart olaraq 3 AZN təşkil edir.
Bakı Uşaq Teatrında biletlərin qiyməti uşaqlar üçün 5 AZN-dir. Teatrdan bildirilib ki, bəzən böyüklər üçün də tamaşalar oynanılır və bu zaman biletin qiyməti 7 AZN olur.
Azərbaycan Dövlət Pantomima Teatrında uşaqlar üçün bilet qiymətləri 5 AZN, böyüklər üçün isə 7 AZN-dir.
Azərbaycan Dövlət Rus Dram Teatrında uşaqlar üçün biletin qiyməti 5 AZN-dir. Axşam tamaşaları 15 AZN, premyera tamaşalarınin qiyməti isə 20 AZN olur.
Gənc Tamaşaçılar Teatrında biletlərin qiyməti 6-8 AZN aralığındadır.
Gəncə Dövlət Dram Teatrında bilet qiymətləri 1-2 AZN-dir. Proqrama əlavə olunduqda isə biletin qiymətinin dəyişməsi mümkündür.
Sumqayıt Dövlət Dram Teatrında biletlər uşaqlar üçün 2 AZN, böyüklər üçün 5-6 AZN-dir.
Şuşa Dövlət Musiqili Dram Teatrında biletlərin qiyməti 2-5 AZN-dir. Teatr yeni binaya köçürüldükdən sonra qiymətlərin dəyişilməsi gözlənilir.
www.anews.az
Oxşar xəbərlər
Oxşar xəbərlər
Son xəbərlər 
Daha çox
Foto 
Video 
