Obama: “İŞİD-in kökünü kəsmək asan olmayacaq”

ABŞ Prezidenti Barak Obama amerikalı jurnalist Ceyms Foleyi öldürən İŞİD terrorçularını məhv ediləcəyini bildirib.

Axar.az xəbər verir ki, Obama “Amerika unutmaz, ədalət yerini tapacaq”, - deyərək terrorçuların törətdikləri cinayətlərə görə cavab verməli olacaqlarını vurğulayıb. Obama Çarlotte şəhərində tərxis olunmuş hərbçilər qarşısında ənənəvi nitqi zamanı dolayısı ilə əməliyyatların başlayacağına işarə vurub:

“Xalqımıza zərər verənlərə mesajımız budur: Amerika unutmaz, əlimiz hər yerə çatır. Səbirliyik, ədalət öz yerini tapacaq. Xalqımızı qorumaq və torpaqlarımızı müdafiə etmək üçün ehtiyac duyulduğunda hərbi əməliyyatlara başlayacağıq”.

Bununla yanaşı, Obama İŞİD-in çox təhlükəli olduğunu, qələbənin asan başa gəlməyəcəyi xəbərdarlığını edib: “İŞİD kimi bir xərçəngin kökünü kəsmək asan və sürətli olmayacaq”.

ANN.Az