Xalq artisti Röyadan İLK AÇIQLAMA

Bu gün Prezident İlham Əliyev Azərbaycan Respublikasının estrada ifaçılarına "Xalq artisti” fəxri adının verilməsi haqqında sərəncam imzalayıb.
 "Ölkə.Az” xəbər verir ki, ad alanlar sırasında Əməkdar artist Röya Ayxan da olub.
 Sənətçi "Ölkə.Az”a açıqlamasında fəxri ad alması üçün çox sevincli olduğunu bildirib:
"Mən məni bu illər ərzində səhvim və düzüm ilə dəstəkləyən bütün dostlarım, media dostlarım, yanımda çalışan dostlarım və eyni zamanda da məni mən edən hər bir kəs, mahnılarım ilə ağlayan, gülən, sevinən hər bir kəsə təşəkkür edirəm. Çünki, bu ad mənim deyil, sizindir. Bu ad mənə bu sevgiyə görə verilib. Mən dövlət başçımıza təşəkkür edirəm. Eyni zaman da Mehriban xanıma da təşəkkür edirəm. Mənim ailəmi sevindirdiklərinə görə bir daha təşəkkür edirəm. Mənim ilə bir yerdə bu ada layiq görülən sənət dostlarımı da təbrik edirəm. Hamınızın gözü aydın. Allah heç kimin əziyyətini yerdə qoymasın".
Qeyd edək ki,  Azərbaycan estradasının inkişafındakı xidmətlərinə görə, Tünzalə  Ağayeva və Miri Yusif də fəxri adlara layiq görülüb.

www.anews.az