Hadi Rəcəbli: “İndiyə qədər necə xidmət etmişəmsə, bundan sonra da elə olacaq”

V çağırış Milli Məclisin deputatı Hadi Rəcəbli 2020-ci ilin fevralın 9-da keçiriləcək növbədənkənar parlament seçkilərində iştirak edəcək.
 
Demokrat.az xəbər verir ki, H.Rəcəbli namizədliyini hakim Yeni Azərbaycan Partiyasının (YAP) təşəbbüsü ilə 74 saylı Lənkəran kənd seçki dairəsindən irəli sürüb.
 
H.Rəcəbli namizədliyinin irəli sürülməsi ilə bağlı xəbəri təsdiqləyib. O, yüksək etimada görə YAP rəhbərliyinə minnətdarlığını bildirib: "İndiyə qədər necə işləmişəmsə, xidmət etmişəmsə, bundan sonra da elə olacaq. Daim xalqa, dövlətə xidmət edəcəyəm”.
 
Deputatın qərargahından isə Pravda.az-a bildirilib ki, H.Rəcəbliyə namizədliyini irəli sürmək üçün çoxsaylı müraciətlər edilib.
 
"Müraciət edənlər arasında Qarabağ qaziləri, ictimaiyyət nümayəndələri çoxluq təşkil edir. Lənkəran sakinləri bildirib ki, Hadi Rəcəbli şəhər üçün böyük işlər görüb, deputat olduğu 24 il müddətində sakinlərin problemlərinə həssas yanaşıb, həllinə köməklik göstərib. Növbədənkənar parlament seçkiləri ilə bağlı sərəncam imzalandıqdan sonra qərargaha belə müraciətlər çox olub” – məlumatda qeyd olunub.






www.anews.az