Rusiya Ukraynanı separatçılarla danışıqlara sövq edir

Rusiya Ukraynadan Donbas bölgəsində antiterror əməliyyatlarını dayandırmağı tələb edib. 

AzNews.az-ın məlumatına görə, bu tələblə Rusiyanın xarici işlər naziri Serqey Lavrov ABŞ dövlət katibi Con Kerri ilə telefon danışığı zamanı çıxış edib. 

S. Lavrov deyib ki, Ukraynada ümummilli dialoq təcili başlanmalıdır: “Ölkənin cənub-şərqindəki gərginliyin aradan qaldırılması üçün sülh yolu ilə nizamlanma prosesinə başlanmalıdır. Bunun üçün hakimiyyətin narazı tərəflərlə danışıqlara başlamalıdır”. 

S. Lavrov bu tələbini Almaniyanın xarici işlər naziri Frank-Valter Ştaynmayerə də telefon söhbəti zamanı bildirib. 

Rusiya XİN başçısı Ukraynanın yeni seçilmiş prezidenti Petr Poroşenko ilə danışıqlar qurmağın mümkünlüyünü və bu prosesin vasitəçilərsiz aparılmasının mümkünlüyünü də qeyd edib. 

ANN.Az