Rusiya Qarabağda PUA vurmaq üçün təlim keçir - Video

Dağlıq Qarabağdakı Rusiya sülhməramlıları,  döyüşə hazırlıq üzrə təlimlər çərçivəsində şərti düşmənin pilotsuz uçuş aparatları ilə mümkün pozuntuların qarşısını almaq və Laçın dəhlizində yerləşən müşahidə məntəqələrinin təhlükəsizliyini təmin etmək üçün təlim keçirib.

Təlimlər altı tədris sahəsində keçirilib. 

Dərsin bir xüsusiyyəti, qapalı rabitə kanalları vasitəsi ilə Rusiya sülhməramlı kontingentinin komandanlıq məntəqəsinə məlumat ötürülməsi ilə müşahidə məntəqəsinin məsul olduğu ərazidə pilotsuz uçuş aparatını (PUA) aşkar etmək tapşırıqlarının yerinə yetirilməsi olub.

"Müşahidə məntəqəsinin şəxsi heyəti döyüşə hazırlıq səviyyəsini yüksəltmək üçün tədbirlər hazırlayıb. Həmçinin pilotsuz üçüş aparatlarının aşkarlamaq məqsədilə havada nəzarət müəntəqələrinin yaradılması üzrə tapşırıqlar yerin yetirilib", - bunu Rusiya sülhməramlı kontingentinin  nümayəndəsi Vladislav Vorobyov deyib.

Təlim dərsi, hərbçilərin praktiki hərəkətləri və müşahidə məntəqəsinin döyüş hazırlığını qorumaq üçün tapşırıqların hazırlanması ilə əhatəli bir məşqlə başa çatıb.

Rusiya sülhməramlı kontingentinin hərbçiləri təmas xəttində atəşkəs rejiminə nəzarət üzrə öhdəlikləri yerinə yetirməkdə davam edir. Həmçinin  Laçın dəhlizi boyunca nəqliyyat vasitələrinin təhlükəsizliyini, ərzaq və müxtəlif malların daşınmasını təmin edir. 


www.anews.az