“Ermənistan ona uzadılan sülh əlini fürsət hesab etməlidir”
25.11.2021 21:47
Türkiyə Prezidenti Rəcəb Tayyib Ərdoğanın sədrliyi ilə Milli Təhlükəsizlik Şurasının iclası keçirilib.
"Qafqazinfo” TRT-yə istinadən xəbər verir ki, iclasda Qafqazda baş verən hadisələr də müzakirə olunub.
Həmçinin qeyd olunub ki, Ermənistanın ona uzadılan sülh əlini fürsət hesab etməsi, atəşkəs rejiminə tam əməl etməsi və əməkdaşlıq etməsi vacibdir.
Bundan əlavə, görüşdə regional məsələlər, xüsusilə terrorla mübarizə, Suriya və Liviya mövzuları müzakirə edilib. Terror təşkilatlarına heç bir güzəşt edilməyəcəyi vurğulanıb.
İclasda müzakirə olunan mühüm məsələlər arasında iqtisadiyyat da olub. Bildirilib ki, Türkiyənin qurduğu möhkəm infrastruktur üzərində məqsədlərinə uyğun olaraq investisiya, istehsal, məşğulluq və ixracyönümlü iqtisadi siyasətlərin həyata keçirilməsi prosesində qarşılaşdığı və qarşılaşa biləcəyi çətinliklər və təhdidlər qiymətləndirilib.
www.anews.az
Foto 
Video 
