Şəhidin anım günündə çəkilişə polis müdaxilə edib? - Video
07.12.2021 22:37
Sosial şəbəkələrdə Şəmkir rayonunda Vətən Müharibəsi şəhidi Təbriz Namazovun anım gününə polisin müdaxilə etməsi barədə iddialar yayılıb. Qeyd olunub ki, polis mərasimdə dronla çəkiliş aparılmasına icazə verməyib.
"Qafqazinfo” xəbər verir ki, məsələyə DİN-in Mətbuat Xidmətinin Gəncə regional qrupunun baş inspektoru, polis baş-leytenantı Eşqin Qasımov münasibət bildirib.
Məlumat üçün deyim ki, dekabrın 6-da rayonun Aşağı Seyfəli kəndində keçirilən tədbirdə əvvəlcədən dəfələrlə xəbərdarlıq edilməsinə baxmayaraq, havadan dronla rəqəmsal çəkiliş aparmaq istəyiblər. Polis əməkdaşları qanunla müəyyən edilmiş qaydada çəkilişi dayandırıb.
Avadanlıq sahibi Elşad Tağıyev avadanlığı ilə birlikdə Şəmkir Rayon Polis Şöbəsinə gətirilib. Şöbədə onunla söhbət aparılıb və bildirilib ki, ərazidə hərbi-strateji obyektlər olduğundan havadan çəkiliş aparılması qadağandır.
Daha sonra Elşad Tağıyevə avadanlığı təhvil verilib və o, sərbəst buraxılıb. Onu da qeyd etmək istəyirəm ki, istər tədbir iştirakçıları, istərsə də tədbirdə olan mətbuat nümayəndələri digər növ çəkilişlərdən istifadə edərək tədbir barəsində ictimaiətə geniş məlumatlar veriblər”, - DİN rəsmisi qeyd edib.
www.anews.az
Oxşar xəbərlər
Oxşar xəbərlər
Foto 
Video 