Kiyevdə ərzaq mağazalarında uzun növbələr yaranıb
24.02.2022 12:26
Ukraynanın paytaxtı Kiyevdə hazırda restoranlar, banklar, valyutadəyişmə məntəqələri bağlıdır.
"Report”un əməkdaşının Kiyevdən verdiyi məlumata görə, hazırda ərzaq mağazalarında uzun növbələr yaranıb.
Növbələrin yaranmasının səbəbi kimi mümkün təxribatların qarşısının alınması üçün kütləvi halda insanların mağazalara buraxılmaması göstərilir.
Ərzaq qıtlığı hələlik müşahidə olunmur. Apteklərin də əksəriyyəti hazırda bağlıdır.
Ukraynada metrolardan sığınacaq kimi istifadəsinə başlanılıb. Artıq stansiyalarda su qurğuları quraşdırılır.
Fevralın 24-də Rusiya prezidenti Vladimir Putin Rusiya və Ukrayna vətəndaşlarına müraciət edib. O, LXR və DXR rəhbərlərinin kömək xahişinə cavab olaraq Donbası qorumaq üçün hərbi xüsusi əməliyyat keçirmək qərarına gəldiyini söyləyib.
www.anews.az
Oxşar xəbərlər
Oxşar xəbərlər
Foto 
Video 
