Amerika kəşfiyyatı - Putinin başında nə baş verir?

ABŞ Konqresində keçirilən dinləmələrdə Mərkəzi Kəşfiyyat İdarəsinin direktoru Uilyam Börns, Pentaqonun Kəşfiyyat İdarəsinin rəisi Skot Berrier və ABŞ Milli Kəşfiyyatının direktoru Avril Hayns Rusiya prezidentinin başında baş verənlərlə bağlı fikirləri ilə bölüşüblər.

"Düşünürəm ki, Putin indi qəzəbli və çox əsəbidirb. Çox güman ki, o, Ukraynanı məhv etmək üçün səylərini ikiqat artıracaq və mülki əhali arasında itkilər onun üçün maraqlı deyil", - Uilyam Börns bildirib. 

O, hesab edir ki, Rusiya prezidenti artıq bir müddətdir ki, "çox təhlükəli olan ədalətsizlik və ambisiya hissləri ilə yaşayır”.

Pentaqonun general-leytenantı Berrier Kremlin son illərdə "taktiki nüvə silahlarına sərmayə qoyduğuna" diqqət çəkib.

"Mən hesab edirəm ki, Putin bunun ona asimmetrik üstünlük verdiyini düşünür", - Berrier deyib.

Avrin Haynes isə bildirib ki, Putin "nüvə dəyənəyi”ni yellətməkdə davam edir.

"Biz hesab edirik ki, Putin Qərbin ona yetərincə hörmət göstərmədiyini düşünür və hesab edir ki, o, bu müharibədə məğlub ola bilməz", - Haynes deyib. 

"Amma Putin qələbə deyəndə nəyi nəzərdə tutur Bunu bilmək üçün zaman tələb olunur. Onun qələbə deyəndə nə anladığı zamanla dəyişə bilər", - Haynes əlavə edib.

ABŞ Kəşfiyyat idarəsinin direktoru deyib ki, Putin inanılmaz təzyiq altında olduğundan onun yaxın ətrafı "daralır”. O, hesab edir ki, bu çevrədə prezidentin qərarlarını tənqid etməyi bacaracaq insanlar yoxdur.

"Bu adamlar anlayırlar ki, onun qərarlarını şübhə altına almaq karyeraları üçün həmişə pisdir”, – ABŞ Kəşfiyyat idarəsinin direktoru bildirib.


N.Təbrizli 





www.anews.az