Dörd vəkil Marina Ovsyannikovanı tapa bilmir - VİDEO

Anastasiya Kostanova BBC-yə bildirib ki, o, Baza teleqram kanalından İstintaq Komitəsinin Ovsyannikovaya qarşı istintaq qabağı araşdırma apardığı barədə xəbəri oxuduqdan sonra  jurnalistin harada olduğunu öyrənmək üçün İstintaq Komitəsinin Baş İstintaq İdarəsinə gedib. 

Vəkilin sözlərinə görə, Ovsyannikovanın telefonu bütün bu müddət ərzində zənglərə cavab vermir.

"Mən və həmkarlarım bütün gecə Birinci Kanalın binasında saxlanılan jurnalisti axtarmışıq, lakin nə televiziya mərkəzində yerləşən polis bölməsi, nə də Ostankino polis idarəsi onun orada saxlandığını təsdiqləmədi və biz Ovsyannikova ilə görüşə bilmədik. Bu o deməkdir ki, onlar jurnalisti  vəkil tutmaq hüququndan məhrum etmək istəyir, ona qarşı maksimum  srt cinayət işi açmaq niyyətindədirlər",  - vəkil deyib. 

Vəkil hesab edir ki, jurnalisti  fyk xəbər yaymaqda qınayaraq 15 ilə qədər həbs cəzası kəsə bilərlər. 

Bu gün Rusiya prezidentinin mətbuat katibi Dmitri Peskov Birinci Kanalın efirində Rusiya prezidentinin Ukraynaya təcavüzünə etiraz olaraq əlində plakat tutan jurnalistin hərəkətini "xuliqanlıq” adlandırıb.

Ukrayna prezidenti Vladimir Zelenski isə bu hərəkətə görə Ovsyannikovaya öz şəxsi təşəkkürünü bildirib. 

 

Marina Ovsyannikova Rusiya prezidentinə etirazı ilə bağlı Youtube  kanalında da bəyanatını yerləşdirib.