Elvira Nabiullina Rusiya Mərkəzi Bankında vəzifəsində qalacaq

Rusiya prezidenti Vladimir Putin  Elvira Nabiullinanın Rusiya Mərkəzi Bankının prezidenti vəzifəsinə namizədliyini baxılmaq üçün Rusiya Federasiyası Dövlət Dumasına təqdim edib. Spiker Vyaçeslav Volodin sənədləri prosedura uyğun olaraq Duma Şurasına göndərib.


Yenidən təyinat Nabiullinanın istefa məktubu yazması ilə bağlı şayiələri təkzib edir. Mərkəzi Bankın rəhbərinin birinci müavini Vladimir Çistyuxin və hətta iş adamı Oleq Deripaska onun yerinə namizəd sayılırdı.


Belə ki, Elvira Nabiullinanın  Rusiya Mərkəzi Bankının rəhbəri vəzifəsində qaldığı müddət martın 21-də başa çatır. Martın 9-da Rusiya mətbuatı onun istefa ərizəsi yazdığı barədə məlumat vermişdi. 


Məlumata görə, o  istefa ərizəsini baş nazirə təqdim edərək bildirib ki, Ukrayna ilə müharibə  səbəbindən maliyyə vəziyyətinin bu qədər pisləşə bilməsi barədə ona heç kim xəbərdarlıq etməyb. Əvəzində Mişustin ona istefasının qəbul edilməyəcəyini bildirib və deyib ki,  onun Rusiya Mərkəzi Bankından sonra Beynəlxalq Valyuta Fondunda işləmək arzusu  bundan sonra onsuz da ürəyində qalacaq. 



www.anews.az