Ukrayna müharibəsidən sonra NATO dəyişəcək - Stoltenberq

"Hazırda gördüyümüz  yeni reallıq, Avropa təhlükəsizliyi üçün yeni normadır. Buna görə də biz indi hərbi komandirlərimizdən NATO-nun situasiyaya daha uzunmddətli adaptasiyası variantlarını təqdim etmələrini xahiş etmişik", - NATO-nun baş katibi Britaniyanın "The Telegraph” qəzetinə müsahibəsində deyib.

Stoltenberq iki səbəbə görə NATO-nun tarixin ən uğurlu ittifaqı olduğunu bildirib. 

"Birincisi, biz Avropa və Şimali Amerikanı birləşdirə bildik. İkincisi, dünya dəyişəndə ​​biz dəyişə bildik. İndi dünya dəyişir, NATO da dəyişir",  -  o deyib.

Rusiyanın Ukraynaya təcavüzündən əvvəl NATO-nun şərq sərhədlərində alyansın özünü istənilən hücumdan müdafiə etmək niyyətini nümayiş etdirmək niyyətində olmasına dəlalət edən kiçik qüvvələr yerləşdirilmişdi. 

Stoltenberqin sözlərinə görə, indi vəziyyət dəyişəcək. NATO hərbi liderlərinin hazırladığı planlara görə, artıq alyansın şərq sərhədlərində işğala müqavimət göstərə biləcək güclü qüvvələr yerləşdiriləcək.

Stoltenberq deyib ki, Rusiya və Çinin getdikcə daha çox birgə işləməsindən narahatdır. 2010-cu ildə qəbul edilən NATO-nun hazırkı strategiyasında Çindən ümumiyyətlə bəhs edilmir. Bu da dəyişəcək. "Biz artan Çin təhlükəsinə diqqət yetirməliyik", -  NATO-nun baş katibi vurğulayıb.