Səfir Türkiyəni oğurlanmış taxıl almaqda ittiham etdi
Türkiyə Rusiya qoşunları tərəfindən işğal olunmuş ərazilərdən oğurlanmış taxıl alır, bu sözləri Ukraynanın Ankaradakı səfiri Vasili Bodnar bildirib.
Türkiyə Ukraynadakı müharibənin həllində fəal iştirak etməyə hazır olduğunu dəfələrlə bəyan edib. İyunun 2-də Türkiyənin "Anadolu” agentliyi xəbər verib ki, Rusiya, Ukrayna, Türkiyə və BMT taxıl daşıyan gəmilərin Ukrayna limanlarından çıxışını təmin etmək üçün birgə "yol xəritəsi” hazırlayıb.
Kremlin sözçüsü Dmitri Peskov cümə günü bildirib ki, xarici işlər naziri Sergey Lavrov gələn həftə "Ukrayna taxılının gündəmin əsas mövzusu olacağı” Türkiyəyə səfər edəcək.
Peskov deyib ki, taxıl tədarükü ilə bağlı problemlər Cümə günü Vladimir Putinlə Afrika İttifaqının sədri, Seneqal prezidenti Makki Sall arasında keçiriləcək görüşdə də əsas mövzulardan biri olacaq.
Müharibədən əvvəl Ukrayna ixracatının 90%-i dərin sulu Qara dəniz limanlarından keçirdi. Rusiya Ukraynanın sahil zolağının böyük hissəsini ələ keçirib və sahilin qalan hissəsinə flotiliya və sualtı qayıqlar yerləşdirib. Bu səbəbdən limanlar indi fəaliyyət göstərə bilmir, gəmilər taxıl daşımır.
Rusiya taxıl ixracına mane olmamaqda israr edir və Ukraynanın sahil zonasını minalardan təmizləyəcəyi təqdirdə problemin həll olunacağını israr edir. Lakin Britaniya kəşfiyyat rəsmilərinin ötən həftə qeyd etdiyi kimi, bu, Rusiya donanmasının davam edən real təhlükəsi səbəbindən mümkün deyil.(BBC)
Gülnar
www.anews.az
Oxşar xəbərlər
Oxşar xəbərlər