Polşanın Ukrayna ilə sərhədini Almaniya qoruyacaq

Polşa Almaniyanın "Patriot" hava hücumundan müdafiə sistemlərinin ölkənin Ukrayna ilə sərhədinə yerləşdirilməsinə razılıq verib.
 
Bu barədə Polşanın müdafiə naziri Mariuş Blaşçak "Twitter"də məlumat yayıb.
 
"Almaniyanın müdafiə naziri Ukrayna ilə sərhəddə "Patriot” qurğusunu yerləşdirməyə hazır olduğunu təsdiqləyib”, - deyə nazir bildirib.
 
O vurğulayıb ki, sistemlərin yerləşdirilməsinin tarixi barədə müzakirələr davam edir.
 
Qeyd edək ki, ötən həftə Polşaya düşən raket nəticəsində iki mülki şəxs həlak olub.

www.anews.az