Vasif Talıbovun yeznəsi saxlanılıb - İDDİA

 

Naxçıvan Gömrük Komitəsindəki mənbənin "Gündəlik Naxçıvan"a bildirdiyinə görə, yoxlamalar dünəndən başlanıb.

"Yoxlamalar davam edir. Dünəndən işçilərini hamısını yığıblar Gömrük komitəsinə, onların bəziləri ilə əlaqə saxlamaq mümkün deyil. Nə baş verdiyini, kimin hbs olduğunu da açıqlamırlar. Yaxın admlardan alığım məlumata görə, artıq 10-a qədər adam həbs olunub. Onların arasında komitə sədrinin və müavinin olduğu da deyilir. Əməliyyata Bakıdan gələn yüksək vəzifəli 5 nəfər DTX işçisi aparır. Onlar heç kimə etibar etmirlər. Muxtar respublikada yüksək vəzifəlilər, məmurlar arasında böyük qorxu yaranıb. Heç kim danışmaq istəmir. Onlar zəng edərkən də ehtiyatla danışırlar" - mənbə bildirib. 

Məsələ ilə bağlı, Dövlət Gömrük Komitəsinin sədr müavini, general Səbuhi Novruzov manşet.az-a açıqlama verərək məzuniyyətdə olduğunu deyib.

 

"Məncə orda elə bir problem yoxdur. Mən hal-hazırda məzuniyyətdəyəm, ümumiyyətlə Naxçıvanda deyiləm. Amma sədr yerindədir. Həmin vaxt işdə olub. Saxlanılanların olub olmadığı ilə bağlı məlumatım yoxdur", - general söyləyib.

 

Çərşənbə axşamı Dövlət Təhlükəsizliyi Xidmətinin (DTX) Naxçıvan Muxtar Respublikası Gömrük Komitəsinin sədri Səhhət Həbibbəylini saxlanılması barəsində mediada xəbərlər yayılıb. Səhət Həbibbəyli isə AMEA-nın sədri, akademik İsa Həbibbəylinin oğludur.

 

 

Xəbəri dəqiqləşdirmək üçün AMEA-nin prezidenti İsa Həbibbəyli ilə əlaqə yaratmaq istəsək də zənglərimizə cavab vermədi.

Məsələ ilə bağlı Dövlət Təhlükəsizlik Xidməti heç bir nə təsdiq, nə inkar açıqlaması yaymayıb. 

 

Səhət Həbibbəyli 2019-cu ilin martında bu vəzifəyə təyinat alıb. 

 

 Noyabrın 1- də Naxçıvan Muxtar Respublikasının Dövlət Təhlükəsizliyi Xidməti (DTX) ləğv edilib. Onun yerində Azərbaycan Respublikası Dövlət Təhlükəsizliyi Xidmətinin Naxçıvan Baş İdarəsi yaradılıb. İdarəyə Möhsün Aşurov rəis təyin edilib.