Rusiya neftinin dəniz yolu ilə ixracı dekabrda 22% azalıb

Rusiya neftinin dəniz yolu ilə ixracı dekabrda cari ilin orta göstəriciləri ilə müqayisədə 22% azalıb. Bu barədə çərşənbə günü "The Wall Street Journal” "Kpler” analitik şirkətinin məlumatlarına istinadən məlumat yayıb.


Nəşrin məlumatına görə, "Rusiya dekabrda gündəlik təxminən 2,5 milyon barel neft ixrac edib”. The Wall Street Journal-ın məlumatına görə, bu, cari ilin əvvəlki 11 ayı üçün orta göstəricidən 22% aşağıdır.

Nəşr qeyd edir ki, ixracın azalması Qərbin Rusiya neftinin qiymətlərinə tavan tətbiq etməsi fonunda qeydə alınıb. Bundan əlavə, qəzetin istinad etdiyi Kpler mütəxəssisi Matt Smith-in fikrincə, Rusiya neft ixracının azalması "ehtimal ki, pandemiya zamanı tətbiq edilən məhdudiyyətlərin qeyri-kafi qətiyyətlə götürülməsi fonunda sərt hava şəraiti və Çində tələbin azalması" ilə əlaqədardır. .


www.anews.az