Azərbaycandan 100 könüllü zəlzələ bölgəsinə yardım üçün getdi
13.02.2023 13:57
Azərbaycan Gənclər Fondu Türkiyənin cənub-şərqində zəlzələdən əziyyət çəkən vətəndaşlara yardım üçün 100 könüllü göndəri. Bu barədə qurumun rəsmi saytında məlumat yerləşdirilib.
"Könüllülərimiz təbii fəlakət nəticəsində zərərçəkən əhali üçün çadır şəhərciyinin salınmasında, evləri dağılmış insanların yemək və tibbi ləvazimatla təmin edilməsində, habelə Türkiyə Gənclər Fondu ilə Azərbaycan Gənclər Fondunun Kahramanmaraşın mərkəzində yerləşən qərargah ərazisində humanitar yardımların qəbul edilərək çeşidlənməsində fəal iştirak ediblər. Tibb təhsili olan könüllülərimiz tərəfindən yerli əhaliyə ilkin tibbi yardımın göstərilməsi və daha sonra peşəkar həkimlərə yönləndirilməsi, eləcə də uşaqlara psixoloji dəstək xidmətləri təşkil olunub", - açıqlamada qeyd olunub.
Azərbaycanlı könüllülər Qəhrəmanmaraş, Adıyaman və Xətaidə humanitar fəaliyyətlərdə iştirak edirlər.
Türkiyədə baş verən zəlzələ nəticəsində ölənlərin sayı 31 mini keçir.b
Türkiyə prezidenti Ərdoğan bununla bağlı ölkədə 3 ay fövqəladə vəziyyət elan edib. Təbii fəalkət qurbanları üçün 7 günlük matəm elan olunub.
Baş verən hadisə ilə bağlı Türkiyə dünyanın 95 ölkəsindən yardım təkliflərini qəbul edib. BMT-nin baş katibi də bu faciəsini "əsrin fəlakəti"ndən biri kimi adlandırıb.
Dağıdıcı zəlzələ qonşu ölkələrdə, o cümlədən Suriya, Livan, KKTC, Yunan Kipr və İraqda da hiss olunub.
Gülnar Nazimqızı
www.anews.az
Foto 
Video 
