Pay torpaqlarının bölünməsində ciddi problemlər var - Deputat

 

"Bununla bağlı qayda və qanunlar müəyyən olunsa da, pay torpaqları düzgün şəkildə bölünmür. Ən əsası bu prosesin uzadılması isə yaxşı hal deyil. İlin əvvəlidir və kənd təsərrüfatı məhsullarının əkin vaxtıdır. İnsanlar pay torpaqlarından istifadə edə bilmir. Bu məsələni aidiyatı orqanlar diqqətdə saxlamalıdır", - deputat bildirib. 

 

Cavanşir Paşazadə suvarma ilə bağlı problemərin də diqqətdə saxlanılmasının vacibliyini vurğulayıb. 

"Dünyada suvarma ilə bağlı hazırda ciddi problemlər yaşanır. Amma Azərbaycanda prezidentin su ilə bağlı tapşırıqları var. Buna görə vəsait də ayrılıb. Bölgələrdə suvarma üçün şərait yaradılmalıdır. Bunun üçün artizan quyuları qazılmalı idi, amma qazılmadı. Kənd məhsullarının yetişdirilməsi üçün bu vacib məsələdir", - millət vəkili vurğulayıb. 

 

Deputat İqbal Məmmədov də eyni problemin Lerikdə olduğunu açıqlayıb. 

 

Komitə sədri Tahir Kərimli çıxışında vurğulayıb ki, Azərbaycanda pay torpaqlarının verilməsində ciddi nöqsanlar hələ də qalır. O deputatlara təklif edib ki, martın 17-də Milli Məclisin plenar iclasında hökumət nümayəndələrinin iştirak edəcəyi iclasda bu problemləri çıxışlarında qeyd etsinlər. 

Martın 9-da Azərbaycan Milli Elmlər Akademiyasının vitse-prezidenti İradə Hüseynova TÜRKPA-nın Ətraf mühit, təbii ehtiyatlar və sağlamlığın qorunması komissiyasının 8-ci iclasında deyib ki, hazırda Azərbaycanda ciddi su problemi yaşanır. 

 

Gülnar Nazimqızı