Müxalifət nümayəndələrini eyniləşdirmək olmaz - Sabir Rüstəmxanlı/VİDEO
Azərbaycanda müxalifət nümayəndələrini eyniləşdirmək olmaz və buna bir sərhəd qoyulmalıdır. Bunu Milli Məclisin deputatı Sabir Rüstəmxanlı aprelin 11-də keçirilən plenar iclasında çıxışı zamanı bildirib.
"Həmkarlarım bu tiribunalardan dəfələrlə müxalifət deyib tənqid edirlər. Mən də müxalifət partiyasının rəhbəriyəm. Azərbaycanın müharibə dövründə apardığı siyasəti müdafiə etmişik. Hansısa bir qrupa görə bütün müxalifəti eyniləşdirmək doğru olmaz. Azərbaycanda milli birliyə ehtiyac var. Cəbhələşmək olmaz. ", - Rüstəmxanlı deyib.
Millət vəkili Azərbaycanın ümumi tarixinin yazılmasını da təklif edib.
"Son zamanlar Nəriman Nərimanov, Rəsulzadə üz-üzə qoyulur. Kimin ağlına nə gəlirsə onu da deyir. Təklif edirəm ki, obyektiv bir tarix yazılmalıdır. Azərbaycanın rəsmi mövqeyi təbliğ olunmalıdır. Harda nə gəldi danışmaq olmaz", - millət vəkili vurğulayıb.
Deputat Aydın Mirzəzadə Sabir Rüstəmxanlının çıxışına cavab olaraq bildirib ki, belə bir tarix yazılıb. Sadəcə onu kim necə istəyirsə elə də başa düşür.
Milli Məclisin sədri Sahibə Qafarova Sabir Rüstəmxanlıya cavab olaraq söyləyib ki, xalqın gözü tərəzidir. Hər kəsin fəaliyyəti göz qabağındadır.
Gülnar Nazimqızı
www.anews.az
Oxşar xəbərlər
Oxşar xəbərlər
Son xəbərlər
Daha çox