Paşinyan: Ermənistan öz ərazisində KTMT missiyasını qəbul etməyə hazırdır
20.04.2023 13:38
İrəvan ölkədə Kollektiv Təhlükəsizlik Müqaviləsi Təşkilatının (KTMT) missiyasını yerləşdirməyə hazırdır. Bu sözləri Ermənistanın baş naziri Nikol Paşinyan Ermənistan mətbuatına açıqlamasında deyib.
O qeyd edib ki, İrəvan missiyanın effektiv olmasını təmin etməyə çalışır. Onun sözlərinə görə, bu, Ermənistan, KTMT və region üçün vacibdir. Baş nazir əlavə edib ki, müvafiq müzakirələr davam edir.
Bundan əvvəl Paşinyan bildirib ki, Bakı Ermənistanı Ermənistan SSR sərhədləri daxilində tanıyacağı təqdirdə İrəvan Azərbaycanın ərazi bütövlüyünü tanımağa hazırdır.
Aprelin 11-də Azərbaycan prezidenti İlham Əliyev bildirib ki, Azərbaycanla Ermənistan arasında sülh sazişi üzərində iş bizim istədiyimiz kimi rəvan getmir, lakin bunun alternativi yoxdur.
Martın 14-də Paşinyan bəyan edib ki, İrəvan Kollektiv Təhlükəsizlik Müqaviləsi Təşkilatının "Ermənistandan çıxmasından” təşvişə düşüb.
KTMT 1994-cü ildə qüvvəyə minib. O zaman təşkilat 9 ölkədən ibarət olub. Daha sonra Azərbaycan, Gürcüstan və Özbəkistan bu təşkilatı tərk edib.
Gülnar
www.anews.az
Oxşar xəbərlər
Oxşar xəbərlər
Foto 
Video 
