26 azərbaycanlı Sudandan təxliyə edilir - XİN
26.04.2023 17:40
Azərbaycan Sudandan 26 vətədaşının təxliyəsinə başlayıb. Bu barədə Xarici İşlər Nazirliyindən məlumat verilib.
www.anews.az
Bildirilib ki, hazırda Sudanda yerləri müəyyənləşdirilmiş 26 nəfər Azərbaycan vətəndaşının Türkiyənin dəstəyi ilə üçüncü ölkə vasitəsilə təxliyəsi həyata keçirilir.
"Təxliyə edilən vətəndaşlarımızdan etibarlı səyahət sənədləri olmayanların ölkəmizin aidiyyəti diplomatik nümayəndəlikləri vasitəsilə sənədləşdirilməsi işi təmin olunacaq. Sudanda yaşayan vətəndaşlarımızdan təxliyə və ya hər hansı çətinliklə bağlı Azərbaycan Respublikasının Misir Ərəb Respublikasındakı Səfirliyi ilə əlaqə(qaynar xətti: +201010271387) saxlamaları xahiş olunur", - açıqlamada deyilir.
Nazirlik Azərbaycan vətəndaşlarına müvəqqəti olaraq Sudandakı yaranmış vəziyyətlə bağlı onlardan hərbi qüvvələrin cəmləşdiyi ərazilərə səyahət etməməyi, ehtiyac olmadığı təqdirdə evlərində və ya güvənli yerlərdə qalmaları, habelə vətəndaşlarımıza bu ölkəyə səyahətdən çəkinmələrini tövsiyə edir.
www.anews.az
Oxşar xəbərlər
Oxşar xəbərlər
Son xəbərlər 
Daha çox
Foto 
Video 
