Lentsov Bakıya niyə gəlir? - AÇIQLAMA

 

"Yeni komandanın Ermənistanla sərhəddə qurulmuş nəzarət-buraxılış məntəqəsi ilə bağlı müzakirə aparacağı gözlənilir", - mətbuatda qeyd olunub. 

 

Siyasi məsələlər üzrə ekspert Əziz Əlibəyli hesab edir ki, Lentsov Bakıya Rusiyanın mövqelərini bərpa etmək üçün gəlir. 

 

"Azərbaycan özünün suveren ərazisində dəfələrlə sülhməramlıların iştirakı ilə yol verilmiş qanunsuzluqları ortadan qaldırıb və öz ərazisini özü bütövləşdirirsə, burada Lentsovun edə biləcəyi hansısa bir addım yoxdur.  Həmçinin Lentsov  buraya seperatçıların vəkili kimi gəlir. Yəni Laçın dəhlizində azərbaycanlılar olmasın, vizual təmas olmasın və pasportları yalnız ruslar həyata keçirsin. Təbii ki, bu növbətçi prosedurdur. Azərbaycan tərəfi Lentsovun ilk missiyasını uğursuzluqla başa vurması üçün hər cür şərait yaradacaq və belə də başa çatacaq. Düşünürəm ki, Lentsovunda aqibəti özündən qabaq Rusiya sülhməramlı qüvvənin komandanının taleyindən fərqlənməyəcək. Hər bir komandanın xidmət dönəmində Azərbaycan mütləq şəkildə uğur əldə edib", - şərhçi əlavə edib. 

 

Aprelin 27-də Rusiya sülhməramlılarının komandanı "separtçı rejimin prezidenti" Araik Artunyanla görüşüblər. Görüşdə Qarabağda baş verən son proseslər müzakirə olunub. 

 

Aprelin 23-də Azərbaycan Dövlət Sərhəd Xidməti Ermənistanla sərhəddə, Laçın-Xankəndi yolunun başlanğıcında sərhəd-keçid məntəqəsinin quraşdırılması barədə məlumat yayıb.

 

Ermənistan Laçın dəhlizində sərhəd məntəqəsinin qurulmasına görə beynəlxalq məhkəməyə müraciət edib. Azərbaycan prezidenti İlham Əliyev ABŞ-ın dövlət katibi Entoni Blinkenlə telefon danışığında bildirib ki, Bakı bu məntəqəni beynəlxalq qaydalara uyğun olaraq yaradıb. 

Eltac Nurulluzadə