İdman müəllimləri üçün xüsusi proqram hazırlanmalıdır - Deputat/VİDEO

Regionlarda idman müəllimləri üçün xüsusi davranış qaydaları hazırlanmalıdır. Bunu deputat Kamal Cəfərov aprelin 2-də Parlamentin plenar iclasında çıxışı zamanı deyib.
"Bu məsələyə
xüsusi diqqət göstərməlidir. Regionlarda idman müəllimləri üçün xüsusi davranış
qaydaları hazırlanmalıdır. Buradan uşaqlara müraciət edərək bildirirəm ki, pis rəftarla üzləşsəniz polisə müraciət edin", - deputat bildirib.
Bir neçə gün öncə Sumqayıtda 7 yaşlı uşaq məşqçisi tərəfindən döyülərək öldürülüb.
Azərbaycan Cüdo Federasiyası açıqlama yayaraq bildirib ki, Sumqayıtda 7 yaşlı uşağın idman zalında aldığı xəsarət nəticəsində həyatını itirməsi ilə bağlı yayılan xəbərdə məşqçi kimi adı çəkilən Mehman Xəlilov cüdo idman növü üzrə məşqçi deyil.
Federasiya qeyd edib ki, cüdo məşqləri zamanı azyaşlı uşaqların üzərində mürəkkəb fəndlərin göstərilməsi qəti qadağandır. Həmçinin, məşqlərə yeni başlayan uşaqlara ilk növbədə təhlükəsiz yıxılmalar öyrədilir.
www.anews.az