Son 1 ildə Azərbaycan qazını alan ölkələrin sayı 10-a çatacaq - Əliyev

"Bu gün Azərbaycan qazının dünya üçün nə qədər önəmli olduğunu hər kəs görür. Ölkəmizin geosiyasi əhəmiyyəti xeyli artıb. Hazırda Azərbaycan qazı 6 ölkəyə (Gürcüstan, Türkiyə, Yunanıstan, Bolqarıstan, İtaliya, bu ildən isə Rumıniyaya)  ixrac edilir. . Əgər hər şey plan üzrə getsə, bir il ərzindəbu ölkələrin sayı 10-a çatacaq”, - Əliyev çərşənbə günü xalqa müraciətində bildirib.

Onun sözlərinə görə, Azərbaycanın qaz alıcılarının coğrafiyası genişlənəcək.

 

"Bu, bizə həm gəlir gətirir, həm də siyasi çəkimizi artırır, siyasi təsir imkanlarımızı genişləndirir”, - prezident əlavə edib.

Bundan əvvəl Azərbaycan prezidenti bəyan edib ki, Azərbaycan 2023-cü ilin sonunda Macarıstan və Slovakiyaya qaz nəqlinə başlamağı planlaşdırır. Bundan əlavə, Serbiya 2024-cü ilin əvvəlində Azərbaycandan qaz tədarükünə ümid etdiyini bildirib.

2022-ci ildə Azərbaycan qaz ixracını 18% artıraraq 22,3 milyard kubmetrə, Avropaya ixracı isə 11,4 milyard kubmetrə (+39%) çatdırıb. 

2023-cü ildə Azərbaycandan 24,5 milyard kubmetr qaz ixracı planlaşdırılır ki, bunun da təxminən 12 milyard kubmetri Avropayadır.