Çexiya Azərbaycandan qaz almaq niyyətindədir
07.06.2023 23:08
Çexiya Azərbaycandan 1 milyard kubmetrədək qaz almaq niyyətində olduğunu bildirib. Bu barədə Çexiyanın Azərbaycandakı fövqəladə və səlahiyyətli səfiri Milan Sedlaçek bildirib.
Hazırda Çexiya öz müəssisələri üçün nefti Azərbaycan Dövlət Neft Şirkətinin (SOCAR) uzunmüddətli tərəfdaşı olan Polşanın PKN Orlen şirkətindən alır.
Qaz idxalı ilə bağlı danışıqlar isə davam edir. Belə ki, Çexiya Azərbaycana ildə 1 milyard kubmetrə qədər qazalmaq niyyətində olması barədə rəsmi müraciət edib.
İyunun 2-də Bakıda səfir Sedlacek və SOCAR prezidenti Rövşən Nəcəf görüşüb. Texniki cəhətdən çətin olsa da, hazırda Azərbaycandan Çexiyaya qaz nəqlinin bir neçə variantı araşdırılır.
Əgər uğurlu olarsa, Azərbaycandan qaz tədarükü Çexiyanın qaz ehtiyacının təxminən 10 faizini ödəyə bilər.
Çexiya hazırda qaza lan ehtiyacını ABŞ-dan aldığı mayeləşdirilmiş təbii qaz və Norveç qazı hesabına ödəyir.
Çexiya hökuməti SOCAR ilə davam edən danışıqların müsbət nəticələrə gətirib çıxaracağına nikbin yanaşır.
N.Təbrizli
www.anews.az
Oxşar xəbərlər
Oxşar xəbərlər
Foto 
Video 
