Kaxovskaya su elektrik stansiyasının partlaması nəticəsində ilk ölümlər qeydə alınıb

Rusiya tərəfindən Kaxovskaya su elektrik stansiyasının partlaması nəticəsində daha 3 nəfər həlak olub. Bu barədə UNİAN məlumat yayıb.


Şəhərin meri Yevgeni Rışçukun sözlərinə görə, Rusiyanın terror aktı nəticəsində ölənlərin sayı daha çox olacaq, çünki çoxları təxliyə edilə bilməyib.


"Artıq ölən bir nəfərimiz var. İndi daha iki nəfər xəstəxanaya gətirilib. Düşünürəm ki, daha çox olacaq. Çox adam yataq xəstəsi idi, ayaqları yox idi, ayaqsız adam damın üstünə necə çıxa bilər?", - Rışçuk vurğulayıb.


Qurum rəsmisinin sözlərinə görə, xəstəxanaya insanlar toplaşır, yaxınlıqda mədəniyyət evi və bomba sığınacağı var, amma heç kimin ora getməsinə icazə verilmir.


2023-cü il iyunun 6-na keçən gecə Rusiya hərbçiləri Kaxovskaya SES-i partladıblar. Terror aktı nəticəsində Xerson da daxil olmaqla onlarla yaşayış məntəqəsi zərər çəkib. 


Ukrayna prezidenti Vladimir Zelenski BMT və Qırmızı Xaç kimi beynəlxalq təşkilatların Kaxovka su elektrik stansiyasının partlaması ilə bağlı ukraynalıların düşdüyü vəziyyətə yetərincə reaksiya verməməsini bildirib.



www.anews.az