Pensiya kartlarından nağdlaşdırma zamanı əlavə faiz tutulmamalıdır - TƏKLİF

"Pensiya və təqaüd alanlar öz kartına aid olmayan bankın bankomatından pul çıxaran zaman əlavə faizlər tutulur. Bu ən çox regionlarda yaşayan şəxslər üçün problem yaradır. Təklif edirəm ki, beynəlxalq pratikadan istifadə edib bu faizləri ləğv edək. Mərkəzi Bank bu məsələyə baxsa çox yaxşı olar”, - deputat iyunun 12-də Milli Məclisin Məclisin İqtisadi siyasət, sənaye və sahibkarlıq komitəsinin iclasında çıxışı zamanı bildirib. 

 

Bundan əvvəl, Milli Məclisin deputatı Rüfət Quliyev də komitə iclaslarının birində buna bənzər təkliflə çıxış edib. 

 

O təklif edib ki, regionlarda ATM problemi olduğu üçün pul çıxarışları zamanı tutulan komissiyaların faizləri aşağı salınsın.

 

Onun sözlərinə görə, fərqli bankların bankomatlarından nağd pul çəkən zaman tutulan komissiya 2-3% arasında dəyişir. Millət vəkili bunu 0,5%-ə endirməyi təklif edib. 

Gülnar Nazimqızı