Fransada güclü zəlzələ olub: yüzlərlə ev, məktəb dağılıb, xəsarət alanlar var

Fransada Rixter cədvəli ilə 5,2-5,8 maqnitudada zəlzələ baş verib.

Bu barədə BBC məlumat verib.

 

Təbii fəlakət nəticəsində yüzlərlə bina yaşayış üçün yararsız hala düşüb, iki nəfər xəsarət alıb.

Des Sevr şəhərində iki nəfərin yaralandığı məlum olan Sahilyanı Şaranta bölgəsinin xüsusilə zərər çəkdiyi bildirilir. Zəlzələ ilə əlaqədar 170-ə yaxın insan təxliyə edilib. Evlərə, məktəblərə və kilsələrə ziyan dəyib.

Fransanın Baş naziri Elizabet Born zəlzələni qeyri-adi adlandırıb və bütün zərərçəkənlərlə həmrəy olduğunu bildirib. Daxili işlər naziri Cerald Darmanin, hökumətin binalara olan struktur ziyanını qiymətləndirmək üçün sürətli proses başlayacağını söyləyib.