ABŞ rusiyalı oliqarxların yarım milyard dollardan çox aktivlərini dondurub
07.07.2023 23:23
Ukraynada müharibə başlayandan bəri Amerika Birləşmiş Ştatları rusiyalı oliqarxların yarım milyard dollardan çox aktivlərini dondurub.
Bu barədə ABŞ Baş prokurorunun müavini Liza Monakonun bəyanatına istinadən xəbər verilir.
"Biz Rusiya hakimiyyətini dəstəkləyən və ABŞ-ın iqtisadi əks-tədbirlərindən yayınan rusiyalı oliqarxların və digərlərinin 500 milyon dollardan çox aktivini saxlamışıq”, - Monako bildirib.
Qeyd olunub ki, ABŞ həmçinin sanksiyalardan yayınma, ixraca nəzarətini pozma, çirkli pulların yuyulması və digər cinayətlərdə ittiham olunan 30-dan çox şəxsə qarşı ittiham irəli sürüb. Bundan başqa Vaşinqton beynəlxalq tərəfdaşlarının köməyi ilə altıdan çox ölkədə ABŞ-a ekstradisiya məqsədi ilə həbslər həyata keçirib.
www.anews.az
Oxşar xəbərlər
Oxşar xəbərlər
Son xəbərlər 
Daha çox
Foto 
Video 
