Ukrayna ölən 62 hərbçisinin meyitini geri qaytarıb

 

Bildirilib ki, onlardan dördü yaralı və ya xəstə olarkən lazımi tibbi xidmət göstərilməməsi nəticəsində düşmən əsirliyində həlak olub.

"Həlak olan əsgərlərin meyitlərinin təhvil verilməsi Cenevrə Konvensiyasının normalarına uyğun olaraq həyata keçirilir. Müdafiəçilərimizin cəsədləri şəxsiyyəti müəyyən edildikdən sonra ləyaqətlə dəfn olunmaq üçün yaxınlarına təhvil veriləcək”, - məlumatda bildirilib.

 

Müharibə başlayandan bu günə kimi Rusiyanın ümumi döyüş itkiləri sayı 236 590 nəfərə çatıb.
 

Ötən ilin 24 fevralında Rusiyanın Ukraynaya hücumu nəticəsində başlayan müharibə davam edir. Rusiya Ukraynanın Xerson və Zaporojye vilayətlərini, habelə qondarma "Donetsk XR" və "Luqansk XR" separatçı qurumlarını birtərəfli qaydada ilhaq etdiyini açıqlayıb.