Çinin xarici işlər naziri 20 gündən artıqdır görünmür - Deng Yuwen

Qin sonuncu dəfə ictimaiyyət qarşısında, Rusiyada Vaqner muzdlu qruplaşmasının qısa üsyanından sonra Çin rəsmiləri ilə görüşmək üçün Pekinə uçan Rusiya xarici işlər nazirinin müavini Andrey Rudenko ilə çiyin-çiyinə gəzərkən görüntülənib. 

"Çinin dünyadakı statusunu və təsirini nəzərə alsaq, xarici işlər nazirinin 20 gündən artıqdır ictimaiyyət qarşısına çıxmaması həqiqətən qəribədir”, - hazırda ABŞ-da yaşayan Kommunist Partiyası qəzetinin keçmiş redaktoru Deng Yuwen deyib. 

Bazar ertəsi günü mətbuat konfransında Qinin uzun müddət iştirak etməməsi ilə bağlı suala Çin Xarici İşlər Nazirliyinin sözçüsü "verəcək heç bir məlumatı olmadığını" söylədi və əlavə etdi ki, Çinin diplomatik fəaliyyətləri həmişəki kimi aparılır.

Qin bu ayın əvvəlində Pekində Avropa İttifaqının xarici siyasət rəhbəri Josep Borrell ilə görüşməli idi, lakin Çin Avropa İttifaqını tarixlərin "artıq mümkün olmadığı barədə" xəbərdar etdikdən sonra görüş təxirə salınıb. Reuters-in məlumatına görə, Avropa İttifaqı gecikmə barədə Borrelin iyulun 5-nə planlaşdırılan gəlişinə cəmi iki gün qalmış məlumat verib.

Çinin yüksək səviyyəli məmurları keçmişdə ictimaiyyətin gözündən itib, lakin aylar sonra hakim Kommunist Partiyasının nizam-intizam nəzarəti orqanı tərəfindən istintaq üçün saxlanıldıqları məlum olub. Bu cür qəfil itkilər Xi-nin korrupsiyaya qarşı mübarizə kampaniyasında normal bir hala çevrilib.

Rabia Hale Seferoğlu

www.anews.az