İranla Azərbaycan arasında beynəlxalq tranzit artıb - Baş nazirin müavini
17.07.2023 17:51
İran və Azərbaycan arasında beynəlxalq tranzit 58% artıb. Mehr agentiyi bunu Azərbaycanın baş nazirinin müavini Şahin Mustafayevə istinadan yazıb.
"Azərbaycan İran İslam Respublikası ilə əməkdaşlığın inkişafına inanır və bu siyasi yolla gedir. Şimal və cənub dəhlizlərində beynəlxalq tranzitin həcmi 69% çoxalıb. 2022-ci ildə iki ölkə İran və Azərbaycan Respublikası arasında ticarət mübadiləsinin həcminin 30% artıb",- Mustafayev Gilan vilayətinin Astara şəhərində İran İslam Respublikası və Azərbaycan Müştərək İqtisadi Komissiyasının iclasında çıxışı zamanı deyib.
Bakı ilə Tehran arasında münasibətlər bu ilin yanvarında Azərbaycanın İrandakı səfirliyinə silahlı basqın nəticəsində diplomatik missiyanın mühafizə rəisinin həlak olması və onun iki həmkarının yaralanmasından sonra xüsusilə gərginləşib. Hadisədən sonra Azərbaycan səfirliyi diplomatik fəaliyyətini dayandırıb, əməkdaşları və onların ailə üzvləri Azərbaycana təxliyə edilib. Rəsmi Bakı Tehranın son vaxtlar Azərbaycanla sərhəddə təşkil etdiyi irimiqyaslı hərbi təlimləri də qeyri-dost addım kimi qiymətləndirir. Bundan əlavə, Bakı martın sonunda Azərbaycan parlamentinin deputatı Fazil Mustafanın həyatına sui-qəsddə İranın əli olduğunu açıqlayıb.
Aprelin 6-da İranın Bakıdakı səfirliyinin 4 əməkdaşı persona non-qrata elan edilərək 48 saat ərzində Azərbaycanı tərk etmələri barədə göstəriş verilib.
Sonuncu olaraq isə İranın Bakıda yerləşən klinikası fəaliyyətini dayandırıb.
Gülnar
www.anews.az
Oxşar xəbərlər
Oxşar xəbərlər
Son xəbərlər 
Daha çox
Foto 
Video 
