Yelo Bank-ın növbəti rəqəmsal filialı Tovuzda!

Yelo Bank filial şəbəkəsini genişləndirməyə və parlaq bankçılıq həllərini əlçatan etməyə davam edir. Bu dəfə Bank rəqəmsal konseptli daha bir filialını Tovuzda istifadəyə verdi. Ənənəvi filiallardan fərqli olaraq rəqəmsal filialda bank əməliyyatları terminallar vasitəsilə aparılır. Müştərilər rahat və çevik şəkildə kart, biznes və istehlak krediti əldə edə, əmanət hesabı aça və digər bank xidmətlərini həyata keçirə bilərlər. Bunlarla yanaşı, 24/7 rejimində hesablara mədaxil, kartdan vəsaitin nağdlaşdırılması, müxtəlif ödənişlər, pul köçürmələri də etmək mümkündür. Yeni filial Tovuz rayonunun Aşağı Öysüzlü kəndində yerləşir.


Filialın açılışı münasibətilə Yelo Bank-ın İdarə Heyətinin sədri Anar Həsənov bildirib ki, yeni, rəqəmsal filialda üstün xidmət səviyyəsi təqdim olunacaq: "Xidmət şəbəkəmizi xüsusilə regionlarda genişləndirməyimizin əsas məqsədi ölkənin real sektoruna hərtərəfli dəstək olmaqdır. Bu baxımdan Tovuzda geniş əməkdaşlıq potensialı görürük. Burda da ənənəvi bankçılıq modelindən ayrılıb, müştərilərimizə daha sürətli və daha rahat xidmət göstərməyi hədəfləyirik. Gələcək planlarımıza regionlarda rəqəmsal konseptdə daha bir neçə filial açmaq daxildir. Bununla ölkəmizdə yerli sahibkarlığın, eləcə də nağdsız ödənişlərin inkişafına təkan verəcəyimizə inanıram”.


Xatırladaq ki, bundan öncə Yelo Bank ard-arda Ağcabədi, Xaçmaz, Salyan və Qəbələ filiallarını müştərilərin istifadəsinə verib. Hazırda Bankın 18 filialı və 1 özünəxidmət mərkəzi fəaliyyət göstərir.


Onlayn kredit haqqında əlavə sualınız var? O zaman 981 nömrəsinə zəng edin və ya Facebook, Instagram və ya Whatsapp hesablarımıza yazın. 


Yelo Bank – Parlaq bankçılıq!
 





www.anews.az