Bolqarıstan Ukraynanı 100-ə yaxın zirehli transportyorla təmin edəcək

Bolqarıstanda parlament çoxluğu Ukraynaya əlavə hərbi yardımın, yəni 100-ə yaxın sovet tipli zirehli transportyorun verilməsini təsdiqləyib.

Bu barədə Bolqarıstanın BGNES nəşri məlumat yayıb.

Bildirilib ki, iyulun 21-də Ukraynaya əlavə hərbi yardım barədə qərarı "Bolqarıstanın Avropa İnkişafının Tərəfdarı Vətəndaşları” və "Dəyişiklikləri davam etdiririk - Demokratik Bolqarıstan” bloklarından, həmçinin Sosialistlərin Demokratik Partiyasından və "Belə bir xalq var” partiyasından olan 142 deputat dəstəkləyib.