AİKZF avqustda vətəndaşlara yeni mənzillər təklif edəcək
24.07.2023 22:10
Azərbaycan İpoteka və Kredit Zəmanət Fondu (AİKZF) mənzillərin almaq hüququ ilə kirayə verilməsi mexanizmi çərçivəsində avqustda ölkə vətəndaşlarına 233 yeni mənzil təqdim edəcək. Bu barədə fond məlumat verib.
Fondun məlumatına görə, Abşeron rayonunda (Saray kəndi, Məhəmməd Əsədov küçəsi) yaşayış kompleksində 233 mənzil vətəndaşlara təklif olunur. Bu kompleksdə 1, 2 və 3 otaqlı tam təmirli mənzillər kirayə verilir.
Fond qeyd edir ki, avqustun 3-dən mənzillərin elektron seçilməsi sistemi istifadəyə veriləcək.
Ümumilikdə indiyədək 3736 vətəndaş mənzillərin almaq hüququ ilə kirayə verilməsi mexanizmindən istifadə edib.
Azərbaycan prezidenti İlham Əliyev 2017-ci il dekabrın 26-da "Azərbaycan İpoteka Fondu” ASC-nin ləğvi və Azərbaycan İpoteka və Kredit Zəmanət Fondunun yaradılması haqqında fərman imzalayıb.
N.Təbrizli
www.anews.az
Oxşar xəbərlər
Oxşar xəbərlər
Son xəbərlər 
Daha çox
Foto 
Video 
